വിശ്വവിഖ്യാതമായ ലോർഡ്സ് സ്‌റ്റേഡിയത്തിലെ ഓണേഴ്സ് ബോർഡിൽ തന്റെ പേരും തെളിയാന്‍ ആഗ്രഹിക്കാത്ത ക്രിക്കറ്റര്‍മാരുണ്ടാവില്ല. ലോർഡ്‌സിൽ സെഞ്ച്വറി കുറിക്കുകയോ അഞ്ച് വിക്കറ്റ് പ്രകടനം കാഴ്ച്ചവക്കുകയോ ചെയ്യുന്ന താരങ്ങളാണ് ഓണേഴ്സ് ബോർഡിൽ ഇടംപിടിക്കുക. ക്രിക്കറ്റ് ഇതിഹാസങ്ങളായ സച്ചിൻ ടെണ്ടുൽക്കർക്കും ബ്രയാൻ ലാറക്കും ഈ വലിയ ബഹുമതി സ്വന്തമാക്കാനായിട്ടില്ല.
ഇപ്പോഴിതാ ഇന്ത്യയുടെ സ്റ്റാർ പേസർ ജസ്പ്രീത് ബുംറ ഈ പട്ടികയിൽ ഇടംപിടിച്ചിരിക്കുന്നു. ലോർഡ്സ് ടെസ്റ്റിലെ ആദ്യ ഇന്നിങ്‌സിലെ അഞ്ച് വിക്കറ്റ് പ്രകടനത്തോടെയാണ് ബുംറ ഈ ചരിത്ര നേട്ടത്തിലെത്തിയത്. 2014 ന് ശേഷം ഇതാദ്യമായാണ് ഒരിന്ത്യൻ ബോളർ ലോർഡ്സ് ഓണേഴ്സ് ബോർഡിൽ ഇടംപിടിക്കുന്നത്.
Etched on the Lord's honours board ✅A specially signed pair of shoes as memorabilia for the museum ✅It was that kind of a day for Jasprit Bumrah 🙌#TeamIndia | #ENGvIND | @Jaspritbumrah93 pic.twitter.com/SoFm0voOjI
74 റൺസ് വഴങ്ങിയാണ് ബുംറ ആദ്യ ഇന്നിങ്സിൽ അഞ്ച് വിക്കറ്റ് സ്വന്തമാക്കിയത്. 2014 ൽ ഇശാന്ത് ശർമയും ഭുവനേശ്വർ കുമാറും ഈ നേട്ടം സ്വന്തമാക്കിയ ശേഷം ഇതുവരെ ഒരു ഇന്ത്യൻ ബോളര്‍ക്കും അതിന് കഴിഞ്ഞിരുന്നില്ല. 13 ഇന്ത്യൻ ബോളർമാരാണ് ഈ പട്ടികയില്‍ ഇടംപിടിച്ചിട്ടുള്ളത്.
ലോര്‍ഡ് ഓണേഴ്സ് ബോര്‍ഡില്‍ ഇടംപിടിച്ച ഇന്ത്യന്‍ ബോളര്‍മാര്‍
മുഹമ്മദ് നിസാർ- 1932അമർ സിങ് - 1936ലാലാ അമർനാഥ്- 1946വിനോദ് മങ്കാദ് - 1952രമാകാന്ത് ദേശായി- 1959ബിഎസ് ചന്ദ്ര ശേഖർ- 1967ബിഎസ് ബേദി- 1974ചേതൻ ശർമ- 1986കപിൽ ദേവ്- 1982വെങ്കിടേഷ് പ്രസാദ്-1996ആർപി സിങ് - 2007പ്രവീൺ കുമാർ- 2011ഭുവനേശ്വർ കുമാർ-2014ഇശാന്ത് ശർമ- 2014ജസ്പ്രീത് ബുംറ-2025
Storyhighlight: First time in 11 years!! Bumrah achieves historic feat at Lord's